PANAGIMPAN
matutulog muli ngayong gabi
nang tila baga walang nangyari
may nakathâ bang maikling kwento?
batay sa nangyayari sa mundo
pulos tulâ lang ang nakákathâ
subalit ano ang pinapaksâ?
mga sariwang isyu ng bayan?
o di palagay na kalooban?
ay, sana'y muli pang managinip
ng isyung talagang malilirip
na pagdatal ng madaling araw
ay may makathâ kahit maginaw
ang tulog dapat ay walong oras
subalit púyat ay nababakas
pagkat madaling araw na'y gising
at isusulat na ang panimdim
- gregoriovbituinjr.
01.25.2026
Walang komento:
Mag-post ng isang Komento