'BIGGEST CRIME GROUP' DAW ANG PNP?
akusasyon ng isang pulis ay kaytindi
nabasa mo ba o narinig ang sinabi?
si Espenido, hepe ng pulis sa Leyte
anang kernel, 'biggest crime group' daw ang PNP
aba'y anong bigat ng kanyang akusasyon
at madidismoral ang mga pulis doon
batik iyon sa kanilang organisasyon
na kayraming nagbuwis ng buhay sa misyon
sa kanyang sinabi'y tila ba di matinag
paninindigan niya'y tila di matibag
at pinulutan ng mga mamamahayag
'katotohanan' bang ito'y isang paglabag?
mapagkakatiwalaan pa ba ng tao?
ang mga pulis, pati tapat sa serbisyo?
kaytapang niya sa 'pag-amin' ng 'totoo'
ngunit dapat pa niyang patunayan ito
- gregoriovbituinjr.
08.31.2024
* ulat mula sa pahayagang Pang-Masa, Agosto 30, 2024, p.2
* ulat mula sa kolum na Responde ni Gus Abelgas, na may pamagat na "Akusasyon ni Espenido sa PNP, mabigat" mula sa pahayagang Pang-Masa, Agosto 30, 2024, p.3
Walang komento:
Mag-post ng isang Komento