Mula sa Parnaso

MULA SA PARNASO

tapos na ang mahabang bakasyon

sa malayong paraisong iyon

luluwas muli sa lungsod ngayon

upang magbalik-trabaho roon

mag-asawa'y nakapagpahinga

nagbalik tuloy sa alaala

ang kwentong Malakas at Maganda

sa ating katutubong memorya

lilisanin na ang paraiso

na animo'y bundok ng Parnaso

ng mga makata't musa ritMula sa Parnaso

mula sa sinaunang Griyego

aming dinama roon ang saya

habang sa pahinga'y nagbabasa

ng naipon kong tula't nobela

sa mga aklat na magaganda

at nagtampisaw kami sa tubig

naliligo habang magkaniig

diwata'y sadyang kaibig-ibig

na aking ikinulong sa bisig

- gregoriovbituinjr.

04.10.2023