PAGNINILAY
kaytahimik ng kapaligiran
may punong walang kadahon-dahon
tila nasa malayong silangan
alapaap ay paalon-alon
buti't nababahaw na ang sugat
habang sa kawalan nakatingin
ninais ko nang maisiwalat
ang pangyayaring di pa mapansin
hanging sariwa ang dumadampi
sa pisngi ko't pangang naninigas
tila nawala ang damang hapdi
ng loob kong nais nang mag-aklas
tahimik ngunit di pa payapa
pagkat loob pa'y tigib ng luha
- gregoriovbituinjr.
02.11.2023
Walang komento:
Mag-post ng isang Komento