isang kabig, isang tula ang buhay ng makata
na tinatawag minsang hampaslupang pinagpala
isang kahig, isang tuka man siya't naglulupa
hangarin niyang maalpasan din ang dusa't sigwa
umuulan na, ang tubig ay diretsong alulod
kaya dapat agad maglagay ng timbang panahod
habang pinagninilayan ang saknong at taludtod
binibilang ang pantig nang tula'y di mapilantod
nasa isip nga'y diwatang inalayan ng rosas
na sa handog niyang tula'y kayraming naipintas
bakit daw nais ng makata'y lipunang parehas
gayong naglipana ang sakim, tuso't balasubas
nagpaliwanag ang makatang nais ipagwagi
ang puso ng diwatang may napakagandang ngiti
anya, lipunang nais ay walang dinuduhagi
walang mayaman o dukha, pantay anumang lahi
lipunang pinapawi ang asal-tuso, gahaman,
at pribadong pag-aaring sanhi ng kahirapan
sistemang umiiral ang hustisyang panlipunan
ngumiti ang diwata't sila'y nagkaunawaan
- gregbituinjr.
Mag-subscribe sa:
I-post ang Mga Komento (Atom)
Nang hinuli ang mga hubad
NANG HINULI ANG MGA HUBAD Kay Balagtas: Ang laki sa layaw, karaniwa'y hubad sa bait at muni, sa hatol ay salat. Ngayon: Dah...
-
ANG LIBRO thirty five pesos lang ang libro sa BookSale ko nabili ito bakasakali lang matuto sa taong binabanggit dito pamagat ng libro... -
mag-iikot at mamumulot muli ng basura upang gawing ekobrik yaong plastik na makuha ito ang ginagawa habang trabaho'y wala pa di pa makal... -
ANG PANGATLO KONG RADYO bumili akong muli, pangatlong radyo na ito nasira na kasi ang naunang dalawang radyo una'y sa kasal sa huwes, re...
Walang komento:
Mag-post ng isang Komento